عاشق وطن سكران .. أهلو تجرّحو
شمس وقمر بالجو ما بيتزحزحو
لا الشمس تسهر بضي القمر
ولا هُوْ قابل ينشلع من مطرحو
…
بالشعر بالكلمات حَلّفت القمر
ببسمة ، بغنيات زخات المطر
بقيو عهاشباك صَابيع البكي
تدقدق دمع ، يا مَوت .. وعّيت البشر
…
والشمس نادت : يا أيام انمحو
عودو عهالوردات تا يتفتّحو
كنا سوا شمس وقمر بالجو نحكي عالهدا
فل القمر .. والليل بعدو بمطرحو
…
ليش الهدا سافر ببحر القدر
ليش الشتي رَجّع غناتي الضجر
ليش البكي طرطش وجوه الحكي
ملّ الصدى، والصوت ما عاد انتظر
….
كل العِدا بالكون ما عادو استحو
رقصو على نهدات عم يتدبّحو
قلت : بقصيدة يمكن تروْق النفوس
ضاع الوزن ، فل الوحي ، مات النحو
….
وانتا يهالسكران نادمت السهر
ترندح قصيدة وشعبك بوجه الخطر
قلبك على ابنك ، يا عجي اتأنى
وهوي بهالأيام قلبو عا حجر
…
بلكي بيجي أيلول .. بلكي بينصحو
وراق الشجر والفي هني بيربحو
فنجان بن اعملو لهالسكران
قبل الصبح تيفيق .. ويرجع مطرحو
هاني غيث
يوليو 4, 2011 عند 10:08 ص
بالشعر بالكلمات حَلّفت القمر
ببسمة ، بغنيات زخات المطر
بقيو عهاشباك صَابيع البكي
تدقدق دمع ، يا مَوت .. وعّيت البشر
كل شيء يختبئ لنا في المشيئة هاني.. لكنّنا نستطيع أن نخبئ قلوبنا لقوس فرح يأتي.. لابد أن يأتي أليس كذلك؟؟
قصيدة أخّاذة كقلبك هاني لوطن ” ما رح ينشلع من مطرحو” أبدأً
يوليو 5, 2011 عند 3:09 م
شكراً تـهاني
قدر الأوطان أن تبقى
تحية لجميع الاصدقاء جفرا يوراميوم ميس جاك .
يوليو 17, 2011 عند 3:03 م
بلكي بيجي أيلول .. بلكي بينصحو
وراق الشجر والفي هني بيربحو
فنجان بن اعملو لهالسكران
قبل الصبح تيفيق .. ويرجع مطرحو
متل ما أنت ……….. بتسكر بالكلمات ومنسكر معك
متل ما بعرفك …….. بتجن بالقوافي وبتجننا معك
كم أنت جميل ……
اغسطس 16, 2011 عند 1:44 ص
سوريا ,,, يا قلبي ورحي
يا مقلة فؤادي الابي
كيف انساك يا وطني ؟؟؟؟؟؟؟؟؟؟